"სამწუხაროა, რომ სამყაროში, სადაც ყველაფერი ერთმანეთს კვეთს, მხოლოდ ჩვენი ცხოვრებები რჩება პარალელური."
  • გოგოს და ბიჭის მეგობრობა?


     
    სულ: 5
    სტუმრები: 1
    წევრები: - None Online
    ბოლო 20 მომხმარებელი: Lary, baron1, Sosia, ZURA, gvanca, admin, NiN, bag.ben., arseba, gio, Teona, BaLu, goragora, Nini1, Natiaaa, -MileyLahey, loo, ttiikkaa, ხათია, skalpera
    დაამატა: Sosia დრო: 13-12-2014, 22:11 ნახვა: 38

    მთის მდინარედ გადვიქცევი,
    ვერ შემზღუდავს მთა-გორები,
    სალ კლდეებზე გადავივლი
    მღვრიე ტალღის აგორებით.

    ოღონდ ჩემი კარგი სატრფო
    თევზად იქცეს პაწაწინად,
    ჩემს ზვირთებში აქანავა,
    ჩემს მორევში ჩააწვინა.
    დაამატა: Sosia დრო: 13-12-2014, 22:10 ნახვა: 47

    ორი ისარი თუ ორი ტყვია,
    შიგ გულში მომხვდა ისეც ნაღვლიანს,
    ერთს სიყვარულის ისარი ჰქვია,
    ერთს სიყვარულის შიშს ეძახიან...

    ტიალ გულს ერთი სულ შენსკენ სწევდა,
    არ გიშორებდა თოფის ნიშნიდან,
    ძალას მართმევდა მეორის სევდა,
    ფეხის გადმოდგმას შენსკენ მიშლიდა.
    დაამატა: Sosia დრო: 13-12-2014, 22:09 ნახვა: 45

    თუ მამკლავ, ისევ შენ მამკლავ
    ქალავ თავდახრით მცინარო,
    დღეს ჩემის პირის მკოცნელო
    ხვალ სხვისთვის ძუძუს მჩინარო.
    წყეული იყოს ღვთისაგან
    ის დღე როდესაც ვნახეო,
    შენი ფოფინა თვალები
    და მოელვარე სახეო!..
    დაამატა: Sosia დრო: 13-12-2014, 22:08 ნახვა: 45

    აღარ მწერ წერილს, ჩვენი ქუჩის გახდი სტუმარი,
    სადღაც მთა-გორებს მიეფარე საღამოს მზისებრ,
    აღარ მწერ წერილს, გამიქარწყლე ყველა გუმანი,
    მაგრამ მე მაინც დაგეძებ და მიყვარხარ ისევ!

    აღარ მწერ წერილს, განშორების იდუმალ ხმაზე,
    აორთქლდი, როგორც მზემოხვედრილ ფოთლიდან ნამი.
    დავდივარ, ვწუხვარ... და დღეები მიდიან ასე,
    ვარ მოწამლული სიყვარულის საოცარ შხამით.
    დაამატა: Sosia დრო: 13-12-2014, 22:07 ნახვა: 37

    ჩემს მიწურ ქოხში შემოდის სხივი
    და კუთხეებში აყენებს ჩრდილებს
    და ჩემი გულის განწირულ ყივილს
    თავისებურად ხმას აუჩვილებს.

    ო, რა თქმა უნდა, შენმა ოცნებამ
    არ შეუძლია წარმოიდგინოს, -
    მაქვს მინდიასებრ ბრძენის მოთმენა,
    სისხლის ღამე და სისხლის ლოგინი.
    დაამატა: Sosia დრო: 13-12-2014, 22:06 ნახვა: 30

    გახსოვს, ტურფავ, ჩვენს დიდ ბაღში
    მე და შენ რომ ერთად ვრბოდით?
    ნეტა იმ დროს!... სიყვარულის
    მეტს არაფერს ჩვენ არ ვგრძნობდით!

    შენ მოსწყვიტე ქორფა ვარდი,
    გადმომიგდე საყვარელსა
    და მითხარი: „ჩემო გიჟო!
    ჩემ სახსოვრად გქონდეს ესა!“
    დაამატა: Sosia დრო: 13-12-2014, 22:05 ნახვა: 37

    ისევ მარტო ვარ, ირგვლივ ქარია,
    გრიგალი მისდევს ოცნების ხომალდს.
    ეს დღე, ძვირფასო, სხვა სიზმარია,
    ეს დღე, რომელიც გავს შემოდგომას.

    ისევ სიცოცხლე, სიკვდილი არ მსურს
    და წმინდა გული მე შენთან მომაქვს.
    ეს დღე მაგონებს შორეულ წარსულს,
    ეს დღე, რომელიც გავს შემოდგომას.
    დაამატა: Sosia დრო: 13-12-2014, 22:04 ნახვა: 21

    თუ ჩემი სული შენს ფიქრთ ზღვაში არა მარხია...
    მაშ სევდის სიომ რად გაკოცა, რად შეგარხია?

    ჩამკიდე ხელი! ჰიმნი სტყორცნე ჩემს სულის კანკალს,
    სულზედ უტკბესო! მტლედ დავედვი შენს რჩევა-სურვილს!
    ნისლის ცრემლებით აგაყვავებ, მოგიკლავ წყურვილს!
    ტრფობის კოცონზე ტრფობით დავწვავ ტრფობის ნაპერწკალს.
    დაამატა: Sosia დრო: 13-12-2014, 22:03 ნახვა: 62

    მოვა, როგორც იანვარში
    თოვლის ფიფქის ცვენა,
    როგორც ნუში დაამშვენოს
    კვირტის გამოჩენამ...
    საიდან და სადაური
    ცხრა მთას გადმოლახავს,
    მხარს გაგკრავს და გაგაჟრჟოლებს,
    სიზმარშიაც გნახავს,
    ვერ მოითმენს, თუ არ გიხმო.
    თუ არ დაგიძახა!
    დაამატა: Sosia დრო: 13-12-2014, 22:01 ნახვა: 31

    მე ის პატარა ნაკადული ვარ,
    შენ რომ ამღვრევ და ასე ათრთოლებ,
    შენ რომ ცრემლები წყალს გააყოლე,
    მე ის პატარა ნაკადული ვარ!

    მე ის პატარა სიყვარული ვარ,
    რატომღაც შენ რომ აღარ ახსენებ,
    შენ რომ არასდროს არ მოგასვენებს,
    მე ის პატარა სიყვარული ვარ!

    ვცდილობთ დავიცვათ საავტორო უფლებები..