Poezia.Ge ქართული პოეზიის ვებ-საიტი!

ადამიანები, რომლებსაც არაფერი შექუმნიათ ყოველთვის გეტყვიან რომ არაფერი გამოგივა...
  • გოგოს და ბიჭის მეგობრობა?


     
    სულ: 5
    სტუმრები: 2
    წევრები: - None Online
    ბოლო 20 მომხმარებელი: ხათია, gigaspc, BaLu, arseba, ttiikkaa, admin, Teona, Lary, Nina)), bebilina, mariko_505, setgecko, ZURA, ქეთი ალასანია, soesz, zazu dvalishvili, sakura555, Dzamuk, kinoman2015, gijpoeta
    დაამატა: admin დრო: 19-11-2014, 17:16 ნახვა: 42

    სიცოცხლეს და სიკვდილს შუა
    სიყვარული ტიხარია
    სხვა სათქმელი აღარც მე მაქვს -
    მიყვარხარ და მიხარია!
    რაის სიყვარული მეთქი -
    წინათ მეც მიმიქარია!
    მეასეჯერ გამიმართლა!
    მიყვარხარ და მიხარია!
    დაამატა: admin დრო: 19-11-2014, 17:14 ნახვა: 45

    ტოტებს ქარისას გადაჰყვა მარტი,
    თეთრ ტანსაცმელში მე მოვირთვები
    და წავალ ქარში, როგორც მოცარტი,
    გულში სიმღერის მსუბუქ ზვირთებით.

    დღეს ყველგან მზეა. ახლა ამ ბაღებს
    და მყინვარს, მაღალ ზრახვათა მეფეს,
    მაისი ალით ააზამბახებს,
    ვით შეყვარებულს და მეოცნებეს.
    დაამატა: admin დრო: 19-11-2014, 17:11 ნახვა: 21

    წამოდი, ჩემთან არ არის ცუდი,
    ლექსები გითხრა - რას დაგადარო!..
    დაგიწნა თეთრი ზამბახის ქუდი,
    ჩემო დიდგულა, პატარა ქალო.

    შორს აგიშენო თეთრი კარავი,
    სიყვარულივით ჩუმი, მდუმარი.
    არ შეგაშფოთებს მეტი არავინ,
    ისევ ჩვენ ვიყოთ ჩვენი სტუმარი.
    დაამატა: admin დრო: 19-11-2014, 17:10 ნახვა: 18

    ვინ რა იცის, ეს ასაკი რა სასწაულს მომიტანს,
    ღმერთო ჩემო! დედავ ღმერთო! სიყვარული მომინდა.
    გამოვშორდი გაზაფხულებს, მადლიანს, თუ ცოდვიანს,
    შემოდგომას სხვანაირი აყვავება სცოდნია...

    სხვანაირად ზეობს იგი, სხვა ბანგით და ტრფობითა,
    და მეც!... შემოდგომისფერი აყვავება მომინდა.
    სულში რაღაც შორეული, შუქი გადაფოფინდა,
    კაი ქალი მომენატრა, - სიყვარული მომინდა.
    მშვენიერი მომენატრა, - ისე ჩემთვის იჩქითად,
    ლამაზი და ხოშფანდურა აგერ რამდენიც გინდა...
    დაამატა: admin დრო: 19-11-2014, 17:08 ნახვა: 23

    წუხელის შენი სიზმარი ვნახე,
    ხშირი ბაღები, ბოდვა მგოსნების,
    გადაბურული პალმებით ღამე
    და ოდნავ სველი კვიპაროსები.

    რომ დაგეძებდი, ფოთლები მიხვდნენ,
    მითხრეს: ვარდებმა კოცნით დაღალეს
    ძლივს ჩაიძინა... მტრედებიც დასხდნენ
    და ნისკარტები ფრთებში დამალეს.
    დაამატა: admin დრო: 19-11-2014, 17:06 ნახვა: 21

    ჰე, რა ქარია,
    რა ნამქერია...
    შარას გავცქერი და ვფიქრობ დიდხანს -
    რაც მითქვამს თურმე არაფერია,
    ყველაფერია - რაც უნდა გითხრა.

    კარგო, სტრიქონებს
    მე შენთვის ვქარგავ,
    შენ ერთი დამრჩი ახლა ფერიად.
    არაფერია, რაც იყო, მაგრამ,
    რაც უნდა მოხდეს - ყველაფერია.
    დაამატა: admin დრო: 19-11-2014, 17:05 ნახვა: 23

    გამოჩნდა მიწა. შენთან ვარ თითქმის.
    იღვიძებს მიწა და პერანგს იცვამს.
    ეს ხომ თოვლია. მე წუთებს ვითვლი.
    ნათურებს ანთებს და მორბის მიწა.

    ოღონდ შენთანაც სინათლე ენთოს
    და ყველა სასჯელს უხმოდ ავიტან.
    და აი, უკვე შენთან ვარ, ღმერთო,
    ეს შენი ხმაა - როგორ? საიდან?
    დაამატა: admin დრო: 19-11-2014, 17:03 ნახვა: 21

    ხომ შეიძლება სხვა იცინოდეს,
    შენ კი არადა არ გაგეცინოს,
    ხომ შეიძლება დაგღალოს დღემ და
    ლოგინზე მაინც არ დაგეძინოს.

    ხომ შეიძლება გარდასულ დროთა,
    გარდასულ დღეთა სხივზეც იღელვო,
    სულ ერთი ჭიქა დალიო მაგრამ
    დათვრე და დარდი ამოიმღერო?
    დაამატა: admin დრო: 19-11-2014, 17:01 ნახვა: 24

    მე შენ მიყვარხარ, ისე კი არა
    ხალხმა რომ იცის,
    ანდა წიგნებში როგორც სწერია,
    მიყვარხარ ისე, როგორც იციან
    ტყის მოჭიკჭიკე ცის ფრინველებმა.
    ისე მიყვარხარ, როგორც იციან ტყის ფრინველებმა
    ისე კი არა, ხალხმა რომ იცის
    ანდა წიგნებში როგორც სწერია.
    დაამატა: admin დრო: 19-11-2014, 17:00 ნახვა: 16

    თავს საკუთარს
    (არც ეცადო),
    გაექცევი ვერსაით!
    არა! -
    თუ არ დამიჯერებ, -
    მოდექი და ეცადე!
    ვინ ხარ,
    რა ხარ,
    რისთვის,
    რატომ?! -

    ვცდილობთ დავიცვათ საავტორო უფლებები..